Slavna plavuša u pregovorima da glumi Barbiku i producira film o njoj

Foto: Screenshot

Glumica Margot Robi u pregovorima je za ulogu u filmu „Barbika“. Osim što bi glumila, slavna plavuša bi i producirala. Naime, film o najpoznatijoj lutki trebalo je da počne da sa snimanjem 2014. godine, a glavnu ulogu trebalo je da igra Ejmi Samer. Nakon što je ona odustala, mjesto je pripalo En Hatvej, ali i to je bilo neuspješno.

Tema filma u kojem je trebalo da igra Samer bila je o „Nesavršenoj lutki koja živi u Barbielendu“. Nije poznato da li je i Margot planirana za taj scenario.

Barbik je predstavljena prvi put u martu 1959. godine na Američkom međunarodnom sajmu igračaka u Njujorku, a do danas je ostala omiljena lutka djevojčicama širom svijeta.

Margot se 2013. godine proslavila ulogom u filmu „Vuk sa Vol Strita“, u kojem je igrala uz Leonarda Dikaprija, a sa njim od ljetos snima i film “1969”. Poznata glumica u ovom filmu igra ubijenu glumicu Šeron Tejt, tada trudnu suprugu redatelja Romana Polanskog.