Prvi reket svijeta, Britanac Andy Murray, bez borbe se plasirao u osminu finala turnira u Barceloni, pošto mu je Australijanac Bernard Tomić predao meč zbog povrede.

Murray je bio slobodan u prvom kolu, a u borbi za četvrtfinale igraće protiv boljeg iz duela Albert Montanes – Feliciano Lopez. U dosadašnjem dijelu sezone Murray je osvojio jednu titulu (Dubai) i trenutno je na omjeru od 13 pobjeda i četiri poraza.

Na nedavno završenom Mastersu u Monte Carlu dogurao je do četvrtfinala, gdje je poražen od Španca Alberta Ramos-Vinolasa.

Turnir u Barceloni igra se za nagradni fond od 2.324.905 evra, a titulu brani Rafael Nadal.

SHARE