Povlači li se jedan od najvećih rok bendova svih vremena?

Foto: Gettyimages

Keith Richards je nagovijestio da će predstojeća turneja Rolling Stonesa možda biti i oproštajna za legendarni britanski sastav.

Bend je nedavno objavio datume koncerata u 2019. u okviru turneje “No Filter” kojom obilježavaju 57 godina od osnivanja, prenosi NME.

Upitan o turneji, Richards je rekao “možda će ovo biti i posljednja, ne znam”.

Legendarni gitarista dodao je da se na sceni pred 50.000 ljudi osjeća kao kod kuće.

“Kao što Roni i ja umijemo često da kažemo pred svirku – idemo na binu po napokon malo mira i tišine”, objasnio je. Richards je takođe rekao da je zajedno sa Mickom Jaggerom napisao nekoliko pjesama u studiju koje će možda biti predstavljene u decembru.

“Uradili smo nekoliko pjesama zajedno sa producentom Donom Wasom. Sve je to bilo spontano, lijepo smo se proveli i neke lijepe stvari su proizašle iz toga”, zaključio je gitarista Rolling Stonesa.