Očevidac nesreće: “Čuo sam tup jak udarac, pa sam izašao na terasu. Tada sam vidio dijete na pločniku i majku trogodišnjakinje kako stoji na terasi i nešto viče

Foto: Blic

“Čuo sam tup jak udarac, pa sam izašao na terasu. Tada sam vidio dijete na pločniku i majku trogodišnjakinje kako stoji na terasi i nešto viče. Onda se ona vratila u stan, pa ponovo izašla i nastavila da viče. Nekoliko minuta kasnije skočila je i ona”.

Ovako za Blic priča očevidac horora koji se jutros dogodio na Bežanijskoj kosi. Kako kaže, tek nekoliko minuta nakon što je tridesetšestogodišnja majka bacila svoje dijete (3) i i sama skočila sa 12 metara na beton, iz stana ove porodice počeo je da se širi dim.

Policija je prvo u 8.20 dobila informaciju da je u stanu na četvrtom spratu izbio požar i da su majka i dijete skočili kroz prozor da se spasu od vatre, međutim, čim su vatrogasci i policija stigli na lice mjesta shvatili su da se dogodilo nešto još gore. Vatra nije bila toliko jaka da bi žena i dijete morali da skoče kroz prozor. Hitna pomoć ubrzo je stigla na lice mjesta, ali je samo mogla da konstatuje smrt žene i djeteta.

Tada je utvrđeno da je majka prvo povrijedila dijete, a potom ga bacila kroz prozor na četvrtom spratu, a potom je povrijedila i sebe i skočila i ona. U međuvremenu, žena je zapalila kauč u pokušaju da podmetne požar u stanu.